सहरी विकास मन्त्रालयको मन्त्रालय स्तरीय समस्या समाधान समितिको बैठक सम्पन्न

सहरी विकास मन्त्रालयको मन्त्रालय स्तरीय विकास समस्या समाधान समितिको बैठक सम्पन्न भएको छ। नेपाल सरकारका उपप्रधानमन्त्री तथा सहरी विकास मन्त्री प्रकाशमान सिंहको उपस्थितिमा मन्त्रालय स्तरीय विकास समस्या समाधान समितिको बैठक आज सम्पन्न भएको हो। बैठकमा राष्ट्रिय योजना आयोगका सदस्य डा. रमेशप्रसाद सिंह, शहरी विकास मन्त्रालयका सचिव गोपालप्रसाद सिग्देल, प्रधानमन्त्री तथा मन्त्रिपरिषद् कार्यालयका उपसचिव मोहनदत्त भट्ट, अर्थ मन्त्रालयका उपसचिव तिर्थ राज बराल तथा मन्त्रालयका सहसचिवहरू र अन्तर्गतका विभिन्न निकायका प्रमुखहरू सहभागी थिए।